tarixi memarlıq nümunəsihamamda mənəvi dinclik
Gəncə şəhərinin mərkəzində, Şah Abbas məscidinin yanında yerləşən Çökək Hamam 1606-cı ildə Səfəvi hökmdarı I Şah Abbasın əmri ilə tikildiyi üçün el arasında bəzən ona Şah Abbas hamamı da deyilir. Arran memarlıq məktəbi üslubunda inşa edilən böyük günbəzli hamamın “Çökək” adlandırılması onun quruluşundan irəli gəlir. Belə ki, suyun təzyiqini təmin etmək üçün hamam nisbətən çökəkdə inşa edilib. Hətta qədimdə hamamın divarını isitmək üçün şamlardan istifadə olunmuşdur. Binanın tikintisində qırmızı kərpic və yumurta ağı, gil və əhəngin bərkidici qarışığından istifadə edilib. Çökək hamam iki iç-içə zaldan ibarətdir: mərkəzində çarhovuz və fəvvarə olan əsas zal istirahət üçün, kiçik zal isə yuyunmaq üçün ayrılıb.
2002-ci ildə beynəlxalq əhəmiyyətli mədəniyyət abidəsi statusu alan Çökək hamam hazırda UNESCO tərəfindən mühafizə olunur. Hamamda kisə xidməti, masaj, süpürgə, buxar otağı, sauna və türk hamamı sakinlərin və qonaqların istifadəsindədir.
Hamam yalnız kişilər üçün fəaliyyət göstərir və öncədən rezervasiya mütləqdir.
Ətraflı məlumat üçün:
Ünvan: Gəncə şəhəri, Cavad xan küçəsi 38
Tel.: +99450 271 14 48
İş saatları: 10:00 - 23:00
