Soyuqbulağa aparan cığırlar əsasən aydın sezilir və tam işarələnib. Bu işarələri izləyərək irəliləyin. 5 km sonra yolayrıcına çıxırsınız. Burada sağ tərəflə hərəkət edib 1 km sonra Qız qalasına çata, yaxud sol yol ilə davam edib Soyuqbulaq kəndinə yol ala bilərsiniz.

Yolayrıcından sonra yol dar meşə cığırı ilə davam edir. 3,2 km sonra kiçik çayı keçərək meşədən çılpaq dağlıq əraziyə keçirsiniz. Buradan 1,5 km irəlilədikdən sonra torpaq maşın yoluna çıxırsınız. Bu maşın yolu ilə irəliləyərək 2,7 km sonra Soyuqbulaq kəndinə çatacaqsınız.
Bu marşrutu əks istiqamətdə də gedə bilərsiniz.

Ətraf cığırlar
Bu marşrut Mahrasa mədəbi – Əmirvar marşrutu ilə əlaqələndirilə bilər.
 
Mövsüm
Bütün mövsümlərdə uyğundur. 

Qida və gecələmə

Marşrut üzərində yalnız Soyuqbulaq kəndində kiçik dükan var. Soyuqbulaq kəndində “Heyratın qonaq evi"ndə qalmaq olar (+99451 526 1188).

Su
Kəndə qədər sadəcə iki yerdə bulaq var. Mahrasa məbədi ətrafında bulaq yoxdur. 

Nəqliyyat
Gədəbəy rayon mərkəzindən taksi və ya şəxsi avtomobil ilə Mahrasa məbədinə gedə bilərsiniz. Gədəbəy rayon mərkəzindən Mahrasa məbədinə getmək üçün dağ avtomobilinə ehtiyac olacaq. Yol boyu Şəmkir çayını bir neçə yerdən keçmək lazım gəlir. Çayın bol sulu vaxtlarında maşınlar keçə bilmir.
 

Təhlükə qeydi

Meşədən çılpaq dağlıq əraziyə çıxdıqdan sonra 1,5 km-lik yol üzərində bir neçə yerdə çoban alaçıqları var. Bu ərazidə çoban itlərindən ehtiyatlı olmaq lazımdır. Pis hava şəraiti, azma təhlükəsi və s. kömək lazım ola biləcək hallarda çoban alaçıqlarına müraciət edə bilərsiniz.

Qız qalasının yolu dik qayalıdır. Qalxan və enən zaman sürüşmə ehtimalına qarşı diqqətli olmaq lazımdır.